रेडियो गौशाला , ९८८ पटक हेरिएको
गौशाला । महोत्तरीको गौशालामा करेन्ट लागेर एक बालिकाको मृत्यु भएको छ भने दुई जना बालिका घाइते भएकी छिन् ।
गौशाला नगरपालिका वडा नं. ३ स्थित पचाइन टोलमा स्थानीय बिनोद महतोले जङ्गली जनावरबाट तरकारी जोगाउन खेतको चारैतिर नाङ्गो तारमा करेन्ट प्रवाह गरेकोमा धान काट्न गइरहेको अवस्थामा आज बिहान करिव ७ बजे मृतक बालिका करिनालाई करेन्ट लागेको हो ।
उनलाई करेन्ट लागेपछि जोगाउन खोज्दा १८ वषिर्या राधा कुमारी महतो र १४ वषिर्या विभा कुमारी महतो समेत घाईते भएकी हुन । यता घाईते बालिकाहरूको गौशाला स्थित निजी अस्पतालमा उपचार भैरहेको र उनीहरु खतरामुक्त रहेको जिल्ला प्रहरी कार्यालय महोत्तरीका प्रवक्ता डीएसपी सन्तु लाल प्रसाद जयसवारले बताए ।
आफ्नो खेतमा लगाएको करेन्टमा बालिकाको मृत्यु भएको खवर पाएपछि विनोद फरार छन । यता प्रहरीले घटनाको अनुसन्धान थालिसकेको डीएसपी जयसवारले जनाए ।
प्रकाशित मिति: २०२४-१०-१८ , समय : १४:३१:१३ , २ महिना अगाडि