गाई काटेको आरोपमा तीनजना पक्राउ

रेडियो गौशाला , ७२४  पटक हेरिएको

काठमाडौँ- गाई काटेको आरोपमा तनहुँमा तीन जना पक्राउ परेका छन्।

शनिबार साँझ शुक्लागण्डकी नगरपालिका–६ कमलबोट बस्ने २९ वर्षीय रमेश नेपालीसमेत ३ जनालाई गाई काटेको अभियोगमा प्रहरीले पक्राउ गरेको हो।

नेपालीले आफ्नै घरमा पाल्दै आएको गाईलाई बारीमा लगि काट्दै गरेको सूचनाको आधारमा ईलाका प्रहरी कार्यालय बेलचौताराबाट खटिएको प्रहरीले गाई काट्दै गरेको अवस्थामा फेला पारी उनीहरूलाई नियन्त्रणमा लिएको हो।

घटनाका सम्बन्धमा आवश्यक अनुसन्धान गरिरहेको प्रहरीले जनाएको छ।

प्रकाशित मिति: २०२३-०८-२७ , समय : २१:५९:४८ , १ वर्ष अगाडि