रेडियो गौशाला , ११८८ पटक हेरिएको
वीरगञ्ज – पर्सा प्रहरीले भिसिटिएस बिल तथा आवश्यक कागजात नभएको भन्दै गहुँ लोड रहेको एउटा पिकअप नियन्त्रणमा लिएको छ।
चितवन जाँदै गरेको उक्त पिकअपलाई पर्सा ठोरी गाउँपालिका–२ स्थित हुलाकी सडकखण्डमा ना ५ ख ६३११ नम्बरको पिकअप गाडीलाई प्रहरीले नियन्त्रणमा लिएको हो।
चेकजाँचको क्रममा पिकअपमा लोड रहेको ९ हजार २५० केजी गहुँ प्रहरीले बरामद गरेको थियो। उक्त गहुँको भिसिटिएस बिल तथा आवश्यक कागजात नभएकोले नियन्त्रणमा लिइएको पर्साका प्रहरी प्रवक्ता डिएसपी दिपक गिरीले जानकारी दिए।
३ लाख २३ हजार ७५० मूल्य बराबरको गहुँसहित पिकअपलाई आवश्यक कारबाहीको लागि राजश्व अनुसन्धान कार्यालय पथलैयामा बुझाइएको गिरीले बताए।
प्रकाशित मिति: २०२३-०३-२८ , समय : २०:५८:१३ , २ वर्ष अगाडि