रेडियो गौशाला , ८२८ पटक हेरिएको
एजेन्सी- भ्रष्टाचार र आतंकवादसम्बन्धी मुद्दामा पाकिस्तानका पूर्वप्रधानमन्त्री इमरान खान आज अदालतमा उपस्थित हुँदै छन् । यो घटनामा उनीविरुद्ध गैर-जमानती वारेन्ट जारी भएको थियो ।
खानलाई १८ मार्चमा अदालतमा हाजिर हुन भनिएको थियो । मुद्दाको सुनुवाइ गर्ने ठाउँ बदलिएको छ । सुनुवाइ इस्लामाबादको सत्र न्यायालयको ठाउँमा न्युडिसियल कम्पलेक्समा हुने पाकिस्तानी मिडियाले जनाएका छन् ।
तहरिक ए इन्साफ पार्टी (पीटीआई) का अध्यक्ष खानले आफ्नो सुरक्षालाई लिएर चिन्ता जनाएका थिए । यही कारण उनले अदालतमा उपस्थित हुन असमर्थ हुने बताएका थिए । यसैलाई हेरेर सुनुवाइको ठाउँ बदलिएको हो ।
उता खानलाई लाहौर उच्च अदालतले नाै मुद्दामा सुरक्षात्मक जमानत पनि दिइएको छ । उनका कानुन व्यवसायीले अदालतसँग भनेका थिए, ‘यदि उनलाई १५ दिन दिइयो भने सबै मुद्दामा हाजिर हुने कोसिस गर्नेछन् ।’
अदालतले खानलाई २८ मार्चसम्मका लागि बेल दिएको छ ।
प्रकाशित मिति: २०२३-०३-१८ , समय : ०९:५७:१५ , २ वर्ष अगाडि