रेडियो गौशाला , १७७५ पटक हेरिएको
महोत्तरी — महोत्तरीमा अझै मतगणना सुरु हुन सकेको छैन । ४ बजेसम्म सर्वदलीय बैठले मतगणना कसरी गर्ने भन्ने विषयमा समझदारी गर्न नसक्दा मतगणना सुरु हुन नसकेको निर्वाचन कार्यालयले जनाएको छ ।
मतपेटिका कँहाबाट खोल्ने, कस्ता मतलाई सदर र बदर गर्ने भन्ने विषयमा राजनीतिक दलहरुबीच कुरा नमिल्दा मतगणना सुरु हुन नसकेको निर्वाचन कार्यालयले जनाएको छ ।
क्षेत्र नम्बर २ मा कस्तो मत सदर र बदर गर्ने भन्ने विषयमा कुरा नमिल्दा गणना सुरु हुन ढिला भएको क्षेत्र नम्बर २ का सहायक निर्वाचन अधिकृत सुनिल चौहानले जानकारी दिए । दलहरुबीच कुरा नमिल्दा केही समयलाई सर्वदलीय बैठक नै स्थगित गरिएको चौहानले बताए ।
क्षेत्र नम्बर १ मा सदर र बदर मतको विषय र प्रदेशमा कुन क्षेत्रको बाकस पहिले खोल्ने भन्ने विषयमा कुरा नमिल्दा गणना सुरु हुन नसकेको निर्वाचन कार्यालयले जनाएको छ । २ बजे क्षेत्र नम्बर ३ र ४ मा पनि सर्वदलीय बैठक नै बसिरहेकाले गणना सुरु नभएको जिल्ला निर्वाचन अधिकृत सुबोध महतोले जानकारी दिए ।
प्रकाशित मिति: २०२२-११-२१ , समय : १७:०२:२७ , २ वर्ष अगाडि