रेडियो गौशाला , २२८० पटक हेरिएको
सर्लाही- पूर्व पश्चिम राजमार्ग अन्तर्गत सर्लाहीको लालबन्दीमा मोटरसाइकलको ठक्करबाट एक जनाको मृत्यु भएको छ । लालबन्दीबाट परवानिपुरतर्फ जाँदै गरेको बा ९४ प ९२३४ नम्वरको मोटरसाइकलले ठक्कर दिँदा अन्दाजी ५० वर्षको जस्तो देखिने पुरुषको मृत्यु भएको हो।
लालबन्दी नगरपालिका–६, स्थित फुटबल मैदान अगाडि गएसाँझ ६ बजेतिर भएको दुर्घटनामा नामथर, वतन खुल्न नसकेको पुरुषको मृत्यु भएको इलाका प्रहरी कार्यालय लालबन्दीले जनाएको छ ।
दुर्घटनामा मोटरसाइकल चालक लालबन्दी नगरपालिका–१६, परवानिपुरका २१ वर्षीय विनोद कुमार श्रेष्ठ र मोटरसाइकल पछाडि सवार ईश्वरपुर नगरपा???िका–१२, घारिबथानका २७ वर्षीय निरज लामा घाइते भएका छन् । घाइते दुवैलाई लालबन्दीमा प्राथमिक उपचार गरी काठमाडौं रेफर गरिएको इलाका प्रहरी कार्यालय लालबन्दीले जनाएको छ ।
मृतक पुरुषको परिचय खुलाउन सोधखोज तथा अन्य प्रहरी युनिटमा परिपत्र गरिएको लालबन्दीका प्रहरी निरीक्षक सुजन पाठकले जानकारी दिए । म्याक्स अस्पताल लालबन्दीमा रहेको मृतकको शव आज बिहान पोष्टमार्टमका लागि प्रादेशिक अस्पताल मलङ्गवा पठाईएको प्रहरी निरीक्षक पाठकले बताए ।
प्रकाशित मिति: २०२४-१२-२० , समय : १७:१७:३४ , १ हप्ता अगाडि