रेडियो गौशाला , १८९५ पटक हेरिएको
सिरहा- सिरहाबाट प्रहरीले लागुऔषध सहित १ जनालाई पक्राउ गरेकाे छ ।
पक्राउ पर्नेमा सिरहाकाे बिष्णुपुर गाउँपालिका वडा नं. ५ लक्ष्मिपुर बस्ने महेन्द्र महतोको छोरा अन्दाजि ३५ वर्षिय सुरेश कुमार महताे रहेकाे छ ।
उनलाई सिरहाकाे सिरहा नगरपालिका वडा नं. ७ बाट पक्राउ गरेकाे प्रहरीले जनाएकाे छ । गोप्य सूचनाको आधारमा जिल्ला प्रहरी कार्यालय सिरहाबाट खटिएको विशेष प्रहरी टोलीले चेकजाँच गर्ने क्रममा माँ भगवती बेकरी एण्ड स्विट हाउस अगाडि प्रदेश २ – ०१ -००१ प ४८६ न. को मोटरसाईकल रोकी राखेको अवस्थामा शंकालागी चेकजाँच गर्ने क्रममा उनलाई पक्राउ गरेकाे प्रहरीले जनाएकाे छ ।
उनकाे पाईन्टको दाहिने खल्तिमा ब्राउन सुगर जस्तो देखिने पदार्थ तौल गर्दा प्लाष्टिक सहित १०३.१९० ग्राम ब्राउन सुगर बरामद भएकाे प्रहरीले जनाएकाे छ ।
पक्राउ परेका महताे र मोटरसाईकल सहित नियन्त्रणमा लिई सिरहा जिल्ला अदालतबाट ५ दिनकाे म्याद थप गरी थप अनुसन्धान भईरहेकाे सिरहा प्रहरीका प्रवक्ता बिरेन्द्र कुमार पासवानले जानकारी दिए ।
प्रकाशित मिति: २०२४-१२-२० , समय : १७:१६:०७ , १ हप्ता अगाडि