रेडियो गौशाला , ८२४ पटक हेरिएको
काठमाडौं । डडेलधुराबाट प्रतिनिधि सभामा स्वतन्त्र उम्मेदवारी दिएका सागर ढकालले प्रधानमन्त्री शेरबहादुर देउवाले एउटै कार्यक्रममा ५ मिनेट पनि बोल्न नदिएको बताएका छन् ।
देउवासँग प्रत्यक्ष चुनावमा प्रतिस्पर्धा गरेका ढकालले बिहिबार सामाजिक संजालमा एक सन्देश लेख्दै ५ मिनेट प्रधानमन्त्रीसँगै एउटै कार्यक्रममा बोल्न पाउ भनेर बिहानै देखि प्रयास गर्दा पनि बोल्न नपाएको बताएका हुन् ।
उनले फेसबुकमा लेखेका छन्, ‘ ५ मिनेट सम्माननीय प्रधानमन्त्रीसँगै एउटै कार्यक्रममा बोल्न पाउ भनेर बिहानै देखि प्रयास गर्दा पनि बोल्न दिनुभएन । जे भएपनि आज मेरा प्रतिष्पर्धी शेर बहादुर ज्युलाई स्वागत गर्न पाए, फुल दिए। पछाडि बसेर सबै कार्यक्रम सुने ।’
उनले आफ्ना प्रतिष्पर्धीलाई स्वागत गरेर फूल दिएको र पछाडी बसेर सबै कार्यक्रम सुनेको बताएका छन् ।
प्रकाशित मिति: २०२२-११-०४ , समय : ०७:३२:३६ , २ वर्ष अगाडि