रेडियो गौशाला , ६४७ पटक हेरिएको
काठमाडौं । प्रतिनिधि सभाकी समानुपातिक सांसद मञ्जु शर्मा (अन्सारी) ले आइतबार शपथ ग्रहण गर्नुभएको छ ।
सिंहदरबारस्थित कानुन समितिको हलमा सभामुख देवराज घिमिरेले सांसद अन्सारीलाई शपथ ग्रहण गराउनुभएको हो ।
समानुपातिक निर्वाचन प्रणालीबाट प्रतिनिधि सभा सदस्य पदमा निर्वाचित जनता समाजवादी पार्टी (जसपा) की सांसद शहनाज रहमानको निधन भएपछि रिक्त रहेको स्थानमा अन्सारी सांसद बन्नुभएको हो ।
सपथग्रहण कार्यक्रममा उपसभामुख इन्दिरा राना, नेकपा (एमाले)का प्रमुख सचेतक पदम गिरी, नेकपा (माओवादी केन्द्र) प्रमुख सचेतक हितराज पाण्डे, संघीय संसद सचिवालयका महासचिव डा. भरतराज गौतमसहितको उपस्थिति रहेको थियो ।
सप्तरी निवासी अन्सारीको २०७९ सालको प्रतिनिधिसभा सदस्य समानुपातिक निर्वाचन प्रणाली अन्तरगत जसपाबाट मुस्लिम क्लस्टरको क्रमसंख्या २ मा नाम थियो ।
प्रकाशित मिति: २०२३-०४-०२ , समय : १२:५४:५४ , २ वर्ष अगाडि