रेडियो गौशाला , १८३१ पटक हेरिएको
काठमाडौं- प्रिमियर लिग क्लब चेल्सीले बेनफिकाका अर्जेन्टिन्टाइन मिडफिल्डर एन्जो फर्नान्डेजलाई भित्राउने पक्का भएको छ ।
एन्जोका लागि बेलायती कीर्तिमानी रकम १२१ मिलयन युरो (१०७ मिलयन पाउण्ड) तिर्न चेल्सी सहमत भएको बीबीसीले जनाएको छ ।
यो सम्झौताले म्यानचेष्टर सिटीले सन् २०२१ मा ज्याक ग्रेलिसलाई तिरेको १०० मिलयन पाउण्डलाई पछि पार्नेछ ।
पोर्चुगिज क्लब बनेफिकाले स्टेटमेन्ट जारी गर्दै एन्जो फर्नान्डेजका लागि चेल्सीसँग सहमति भएको जनाएको छ ।
कतारमा नोभेम्बर–डिसेम्बरमा सम्पन्न विश्वकपमा अर्जेन्टिनालाई विश्वकप जिताउन मद्दत गर्दै उत्कृष्ट युवा खेलाडी बनेका एन्जोलाई भित्राउने चेल्सीले लगातार प्रयास गरिरहेको थियो र ट्रान्सफरको अन्तिम समयमा आएर मात्र सफल भएको हो ।
एन्जो फर्नान्डेज गत अगष्टमा मात्रै १० मिलियन पाउण्डमा अर्जेन्टिनाको रिभर प्लेटबाट बेनफिकामा अनुबन्ध भएका थिए ।
ट्रान्सफर मार्केटका अनुसार २२ वर्षीय एन्जोको आगमनपछि चेल्सीले जनवरीमा खेलाडीका लागि २८८ मिलियन पाउण्ड खर्च गरिसकेको छ ।
यस्तै एन्जो फर्नान्डेज संयुक्त रुपमा छैटौं महँगा अनुबन्ध बनेका छन् । यसअघि सन् २०१९ मा बार्सिलोनाले एन्टोनी ग्रिजमनलाई १२० मिलियन युरोमा अनुबन्ध गरेको थियो ।
प्रकाशित मिति: २०२३-०२-०१ , समय : ०९:५८:४० , २ वर्ष अगाडि