रेडियो गौशाला , १११२ पटक हेरिएको
महोत्तरी- महोत्तरीमा स्यालको टोकाइबाट सातजना घाइते भएका छन् । मंगलबार साँझ महोत्तरीको पिपरा गाउँपालिका–७ बनौलीमा दुई महिलासहित सातजनालाई स्यालले टोकेको वडाध्यक्ष मधुवेन्द्र झाले जानकारी दिए ।
स्यालको टोकाइबाट स्थानीय विल्टु मण्डल, शिवशंकर साह, रुदल साह, दिनेश ठाकुरसहितका घाइते भएका छन् । दुईजनाको अवस्था भने गम्भीर रहेको उनले बताए ।
उनका अनुसार दुवैजनालाई जनकपुरधामस्थित जानकी हेल्थ केयरमा रिफर गरिएको हो । अन्य पाँचजना सामान्य घाइते भएको र उनीहरूको उपचार स्थानीय क्लिनिकमा भइरहेको छ ।
प्रकाशित मिति: २०२२-१२-२१ , समय : ०९:०५:२४ , २ वर्ष अगाडि